Popular Bible Verses from 1Yohanes 3

Share

Eti paga, naʼburi o. Nit nen akoni amberek inaʼbuwa kigit dek dogolik, ninambe pagaat, “Inaʼbuwa ambasi doguwok o,” yiluk ninane paga yisi dogusak erlok dek o. At te, inebe inaʼbuwa ambalok nininggi paga nen eberogonat yamagiyasi doguwok o.

At Kristus nen ndak nit ninaʼbuwa ambasikesik, ebe nit ninake eramenat watlagike eti paga, nit nen it akoni amberek inaʼbuwarinabigogi wene eti didiligogi. Didisi dogolik, at kagakike eti kagat, nit ninagarlagi ninirugi inebe inaʼbuwa nen, ninebe it inake watlasusak panoat o.

At Allah nen, “It yi an naʼburi,” yiluk endak ninakikemo eberogonat nit ninebe at aʼburi werek. Esigit diluk werek eti paga, ninebe at ninaʼbuwa mondok dogoligogo eti kani! Esigit diluk mende, it akoni agat oba mende inobabut inikok mende yomenogo nen Allah ebe inonggodek eti paga, nit ninebe inonggodegat o.

Nen, at omanggi nen obabut weyak kagako mondok dogoligogo kalok, at Iblis obabut erlo paga nenat weyak kagarigogoma nogo nen, at eti ebe Iblis aʼbut werek o. Mende, at Allah aʼbut selekmaat wagike eti, at Iblis obabut kagarigogo mende eti, mondok deget diyagaluk wagike o.

Nen, akoni Allah nen endaginabigogo mende inebe dombok, at obabut waganiluk kagarigogi eti paga, weyak kagako mondok dogusak dek. Inebe Allah aʼburiat dogolik weyak kagako mondok dogoligogi dek o.

Mende, ta nen at amende yi mende ndi mende agat oba mende ʼbiluk dogolik, agarlak iru omanggi yi mende ndi mende inggi dek werekma, ilenggen kalok, omanggi wogokidek endainggen aʼbet ago kalok, at eti obabut, Allah nen ninaʼbuwa kiligogo eti negen werek ambegep? Mondok dek o.

Nit Allah nen wene ninasuk wakike wene eti kologo motogo kagarigogi kalok, at Agurengge woknisasikemo ninakla werek, eti paga, nit at ninom kunik, nen, at nit ninom kunik werek, yiluk didiligogi o.

Allah aʼburi inom, Iblis aʼburi inom, ninendainggen enggerlogo inobabut enggagat kagat larigogo yi. Ta nen obabut motogo kagakidegat, agarlagi irugi inaʼbuwa kigidegat, kagarigogo kalok, at eti ebe Allah aʼbut dek o.

Allah nen, “Kit-kit naʼbuwa-kaʼbuwarogo dogono o,” yiluk yoknisasike mende, akoni amberek nen yokisasukama erlo paga nen kinasuk kolkigip etiat o.

Eti paga, nagarlagi nirugi o. Akoni agat oba mende nen, kit inaʼit mondok kagat kinako kalok, “Nayuk o,” yiluk kinendainggen pikup o.