Popular Bible Verses from 1Korintus 2

Share

Wene eti pasik, Allah wene yigit diluk kolal mbalek werek, “At Allah nen yi mende ndi mende akoni nen inilenggen kigidek. Inasuk kolkidek. Inakla nen nggagalkidek. Wene taʼbokogonat nit akoni at ebe ninaʼbuwa dogoligogo mende nggarelogo ʼbinanggemo werek o,” yiluk kolal mbalogo ʼbisukama werek.

Wene Allah Agurengge nen woknisaligogo wene eti, it akoni Allah Agurengge inakla werek mende arlek didiligogi eti paga, it akoni inobabut inikogat dogolik, didiligogi dek. Esigit diluk didiligogi dek eti, it nen, “Wene eti akoni nggembu mende nen yiligogi negen yiligogi,” yiluk yiligogi eti paga, wene eti didigidek werek o.

ʼBinangge mende eti, at Allah Agurengge nen yi mende ndi mende mbenarigogo eti paga, Allah akla limago dogoligogo mende eti inomat mbenako dogolik, ʼbukakogo yoknisasike o.

Nit nen, akoni agat oba mende yoma inagurengge waganggugu ʼbuk. At Allah obabut pano nen woknisasike mende ninilu asuwagaluk, at Agurengge wusa ʼbi wagikemo korlasugu o.

Esigit diluk dogolik, akoni inawene an nakla nggagalek oba, nane pano paga, nobatnerogo yokisasigi dek o. At te, at Allah Agurengge obatne paga, yokisasigimo, ebeat agikemo, kinilenggen kasigip. Esigit diluk yokisasigi eti, kit kinendainggen akoni inakla nggagalek mende eti inoba panggot diluk welagidek mende, Allah obatne werek yiluk, kinendainggen at oba panggot dubagik nen yiluk yokisasigi o.