Popular Bible Verses from Mark 9

Share

Jisas yaklau kalyulna: —¿Amput ais ‘sipman kat’? ¡Di bitik kau sipki angdika muihni rahm kulwa kidika!

Bahang muih wahmabin papangni kidika sarahna: —Yang rahm kultayang. ¡Ilp yatangkat kasak kulnin kidika baisa dukuh!

Usnit kat Jisas ū as kau kana, dawak disainipil balna yaklau witing alas sakkat kalyulwi dakakana: —¿Ampadawak, yangna laih spirit dutni kidika sip kangtik yaktasyangna daih? Dawak Jisas yaklau nangnitnalana: —Adika satni walanisa laih makat yulnin kau manah sipki kangwi yakna atnin.

Kuma kidika laih yamniki; kaunah wilamni dis dawa laih, ¿manna amput watta dutanamayah? Manna muihmana yakat kuma dutanauh dawak biri biri kulnin aslah lani kidika duta yalahtanauh.

—Angdika muihni kat yang ayangki usnit yakat muihbin as duwarang kidika, sihm adika apat, kidika laih yang yakat yaduwi; dawak angdika muihni yang akat yaduwa kidika laih, yang akat manah yaduwaski, kaunah yasihna muihni yakat bik duwi.

Wais wais manna yakat was manah bik sutak as mananawarang kidika Krais dinimana kidika yulni, barangni manayultayang kidika muihni laih warkni minit duwarang ki.

“Angdika muihni yaklau adika dibinina yang akat rahm yakukulwa balna yakat dutni diyamwakat bubukwarang kat, yamni karangki dinimak yakat kipala nuhni as kau sitwi kuma yakat ruhmana atnin.

Dawak mamakpa kidika yaklau mayamwakat dutni yakat buktaman kat, yakpamtah; baisa yamni karangki mamakpa aslah karak Papang king kāwi sauni yakat āwama karang kat, dawak mamakpa bupak karuk kuh yakat maruhmwarang karak dawakat