Popular Bible Verses from Mark 8

Share

Kat angdika muihni witing silp sangnika laihwi yaknin kulwakidika laih, diswarang ki; kaunah angdika muihni yang yulki dawak laihwi yaknin yulni kidika yulni sangnika diswarang kidika laih, sangnika laihwi yakwarangki.

¿Muih al kidika sau adika duwi ais yamwarangyah, sangnika laih diswarang kat?

Usnit kat Jisas yaklau disainipil balna yakat dawak muih balna yakat bik diyulwak uiwakat aput diyulna: —Manna kaupak angdika muihni yang disaikipil atnin dukih kalawakat, man muihma kidika damatkahtah, dawak panama prihni kidika duta uskit uitah.

Kidika awasbik, ¿muih al kidika sangnika minit ampus launin sipyah? Bahang angdika muihni kat adika muihni balna barangni awas dawak dutni yamyang balna adika muhnina akat yang dawak yulki kidika yakat niking yakasaldarang kat, muih al walanibis kidika bik witing yakat nining yakasaldarang ki witing Papangni alasnina yaksihni karuk dawak insal holi balna karak kaiwarang mani.

—Witing yaklau diyulwi dakana: Dawak manna laih, ¿yang waisyang yatimanah? Pita yaklau nangnitlana: —Man kuduh Mesías.