Popular Bible Verses from Isaías 42

Share

“Yang Dawan yang, aiwanam mayulnayang, bahang aiwangkat tingma yakat laihnayang, man kidika laihwi yakyang dini as kapat; dawakat yang lawik mayamnayang, bahang dukih yawi man kidika sainni as atnam yang pramiski muih balna yakat yamtayang kidika, sau muihni balna yaringnina. Dukih yawi miniknapa dis balna kidika miniknapa dianam, dawak silak muihni balna kidika yaknam, pa sulihni paskau puksani yakat bangkidika.

Yang laih Dawan yang, bahang kidika ki yang ayangki, dawak yang dating kat alaskina kidika muih ūk yakat diayawas karang, dawak dawan dauh yakat bik ayangni nuhni dulalauwas karang, yang yakat yanin dai kidika pāni yakat.

“Akat sakki yang warauki dutayang kidika, waltik yaktik dunayang, bahang witing yakat alaskina dutayang. Yang spiritki kidika witing yakat kalanayang, la kat yamna atnin sau bitik yakat.

dapa bahna kidika baisa witing yaklauwi minit yakat bahwas karang, kaput bik awas dibin dahlwasak kidika piwas karang. Rahm kidika laih, la kat kidika witing yaklauwi duaina karang. Wingnita puhwas karang, dawak kulnin kidika bahbukwas ban karang, sau yakat la kat kidika uiwi āwarang kat. Kuma paskau sau wirni kau yalalahwa balna kidika witing yakat dakakana karang sumalwa kidika.”

Miniknapa di tatalwas balna kidika, ta as amanglalawas yakat didutik yawaki. Witingna niningna tani yakat puksani kidika yaringni yakat wirlaki, dawak pa wakarhni balna kidika langni yamki. Adika dini laih rahm palni yamki.

Talnauh, tanitkau yulna yang dai kidika amput yakat kalahwada, dawakat waralaih di wisam ūk yulki ki; manna yakat ismangna paktang baisa kaikalahwas tanitkauh.”