Popular Bible Verses from Isaías 43

Share

Yang di wisam as yamki, talma warminitni kalahwarang ki. Kauhmak wanilang yakat ta as yamkiki kaput bik sau di dahdak kalahwas yakat kalating was murwarang ki.

Waspa munah bayaknam karang kat, yang sak-awaki mankarak, was daklawanam karang kat, was dautas awama; kuh pas munah bayaknam karang kat, mabuswas karang; dahlwi kilwa balna kidika man yakat madahlwas karang.

Waralaih Dawan witing tawanni yakat yulwi: “Damai di balna kalahna kidika kulnam yakat duwinih, baisa kulwinih di bayakwi kiuna balna kidika.

Kaunah waralaih Israel, Jacob tawanni kidika, Dawan yaklauwi mayamna kidika mayulwi: “Yamaduwinih, yang lawik malaihtik yaknayang; man ayangma kau yaktik mayulnayang, man laih yang diki man.

kat yamni matalayang bahang, man laih mamat nuhni ki kidika bahang dalani matalayang. Madutik, dawakat sangmaka laihtik yaknik muih balna pasyakat.

Yang laih man Damawan yang, dawak malaihwi yakyang, Israel Papangni holi kidika. Yang malaihtik madunayang; malaihtik yaknin yulni minit launayang Egipto yakat, Etiopía yakat, dawak Sabá yakat bik

Yamaduwinih, mankarakyang. Makilwa kaupak makawa kat wanaihma balna kidika diating kat aiwi kalududuhwarang.

“Kaunah yang adika man Papangma yang bahang dutma ustik yaktayang, dawakat baisa bik isingkatwas karang dutma kidika.

Dawan yaklauwi kaput karangti: “Manna laih talnama di balna yamtingkat, kaput bik diki yamyangmana, yang lawik manawaltik manayaknayang amangkilanamna dawak yang akat yakulnamna, dawak amanglanamna yang waisyang kidika. Yang takitkauh dawan ūk disdai, kaput bik yang uskitkauh ūk diskarang ki.

Yang manahki Dawan yang kidika; yangkaupak ūk diski laihwi yakyang.”

Papang yang kidika ban kaput yang. Yang paraski kaupak sip muih as bik yaklawas ki. Yang yamtayang kidika sip muih as bik dauh yamwas ki.”

Asangpas kau didauh balna kidika ayangki nuhni yayamwarang, sul wail balna dawak uhu nunuhni balna bik, kat kauhmak wanilang kaupak kalatingkat was burhwi kalahwa bahang, kaput bik sau di dahdak kalahwas pāni yakat bik, yang tawanki yaktik dunayang yakat was bayahna atnin yulni, tawan yamnayang kidika laih yang ayangki nuhni yamnin yulni.

Tingpal nining yakat kalyulki: ‘Nawatta sihtang aiwang’, wadah nining yakat bik yulki: ‘Witingna kidika man laihwatwi duwinih. Pa naikaupak duaitah walakibis ahal dawak yayal balna kidika bik, sau sutni nakaskaupak, yang ayangki duduwa balna bitik kidika, yang lawik yamnayang balna kidika, yang yamnayang ayangki nuhni yamnin yulni.’

Dawan yaklauwi kuma pasmunah ta as yamna dai, ta as yakna dai was parasni murwa munah; yamwakat kalbauyang balna mahni parasnina nuhni kalahna dai, kalbaunin kārni kau, aras kau kilwi uina dai daukalmukna atnin yulni. Bauwi lakmukna dai dawak witingna sip yaklalauwas dadana; dawak sihm awas piwa kapat dadana.

Yang kuduh Dawan, Israel yamnayang kidika, Papang holi kidika, dawak manna kingmana.”