Popular Bible Verses from Colosas 3

Share

Biri biri kulnamna laihwattanauh, dawak biri biri dutmana kidika datanang diswang. Papang yaklauwi dutmana dawak disna kapat, manna bik kaput yamtanauh.

Makau kisang dini kidika kultanauh, sau dini laih awaski.

Manna di bitik yamtanama kidika, yamkih yamtanauh, Dawan dini yamtamana kapat yamtanauh, kaunah muih dini yamtamana kapat laih awaski.

Papang manna yakat dalani manatalwi, manna kidika tawan holi muihni atnamna. Minikun talnin, kulnin yamni atnin, limahni atnin dawak kulnin laihwatyang atnin kidika balna bitik laih prakmana kapat āwanauh.

Krais yulni balna kidika manna yakat ban atnin, auhni bitik karak. Dawak biri biri kulnamna dulautanauh, sins lani tuhni kidika karak. Ismangna bitik karak Papang yakat salmo, unbauna balna dawak spirit unnibauna balna bik unbautanauh. Di bitik yamma dawak yultanama kidika, Dawan Jisas ayangni kau yamtanauh, Papang kau tingni kalatanauh, witing munah.

Di bitik minityakat dalani lani kidika prakmana dutanauh, kidika laih aslah atnin wahni palni ki.

Kaput bahang, manna bik Krais karak manadulauna dauna kaupak, manna makau kisang dini balna kidika waltanauh, kat Krais laih Papang tingnipal yakat yalahna sakki.

Dawak Krais kulnin aslah lani kidika manna kulnamna yakat dutanauh, kat kidika yamnin yulni Papang yaklauwi manayulna yawana atnamna dawak muihni aslah atnin yulni. Dawak tingki bik kalatanauh.

Manna yakat sau dini sakkidika kalatanang dauwang: muih as bik lā dis kaupak yal karak kidika awaskat al karak payahnin awaski, di maisihni kidika yamnin awaski, di dutni dukih manawa kidika yamnin awaski, datanangkat lalah dukih manawa kidika manadukiunin awaski (kidika laih dawan dauh as ki).

Manna daunamana dai, kaunah Papang yaklauwi sangka atnin pāni kidika manana Krais karak

Kauna waralaih kidika balna bitik datanauh: Isning daukalnin, dutni balna, muih usnin, yul dutni balna yulnin kidika bik datanauh.

Biri biri alas kalyuyulwinih, kat muhnilau amputmana dai kidika bitik ruhmta danamana bahang dawak di balna yamtamana dai kidika bik, dawak waralaih muih wisam alahwanamana: muih wisam, Papang wayani, di yamyang, kapat kalwi kiwa kidika, kaput laih bitik palni amangnilana atnin.

Marid al balna, yalmana yakat dalani talnauh dutni kalyayamwinih.

Walabis balna, papangmana yulni dakanauh, kat adika laih Dawak yamni talwa bahang.

Marid yal balna, almana balna yakat buktanauh, adika laih manna yamnamna ki Dawan yakat kulyang muihni kapat.