Popular Bible Verses from Mavingu 2

Share

Nguko MKOMA wa ninga wutxhari, kambe wuzivi ni mapimo sita ngu txisofuni kwakwe.

Mwanangu, ngako u txi tumela mapswi angu, ni kuveketa milayo yangu, kasi ku nzeve yako yi duketa kupfisisa wutxhari, ni kuva u namisa mbilu yako ka mapimo, se ngako u txi vilela mapimo, ni kuguleta dipswi dako ngu kulava wutxhari, u txi si xotisa kufana ni silivhela, u si lava kufana ni nzalama yo siswa, ngu kona u no pfisisa mhaka ya kuthava MKOMA, kambe u na mana kuziva Txizimu.

Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka, kasi ku e veketa ditshuri ni wulamuli, ni kuxayisa nzila ya vasawuleki vakwe.

Nguko vo lulama va na zumba ha mafuni, ni vale vo thembeka va na zumba ka ona yotshe mbimo. Aniko vaonhi va na dulwa ha mafuni, ni vakanganyisi va na lumbwa ngu kufuviswa.

kasi ku kutxhatxhisa ka wamsikati wa walo, kambe wa mamwani matiko, a tshambiselako ngu mapswi akwe, awule a lekako mngana wa wuphya wakwe, kambe e divala txitumelelano txa Txizimu txakwe