Popular Bible Verses from Mavingu 1

Share

Kuthava MKOMA, ngona makhato a wuzivi; siphukuphuku sa txhipisa wutxhari ni gondo. Mwanangu, engisa gondo ya tate wako, kambe u nga leke sileleto sa mwamwako.

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa. Aniko awule a no ni engisa a na hanya ngu kutsana, kambe a na humula mu ko thava kubiha.

kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari

Mwanangu, ngako vaonhi va txi ku kujetela, u nga va tumelele.

Mavingu a Solomoni, mwana Dhavhidha, mfumeli wa Israyeli. Kasi ku na ziva ngu ona wutxhari ni gondo; kasi ku na pfisisa mapswi o pimeka; kasi kuamukela gondo ya wutxhari, wululamo, kulamula, ni kudinganisa; kasi kuninga wutxhari ka vale vo kelelelwa ngu mapimo, ni kuninga vale vavaphya maalakanyo amanene

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana. Ngako mi nga venga wuzivi, kambe kha ma lava kuthava MKOMA