Popular Bible Verses from Mavingu 11

Share

Moya wa wuha wu na ena, ni wule a theletelako mati, nene a na theletelwa.

Vaho vale va hangaliselako, aniko ve engetelwa kambe; ni vamwani va sengeletelako kupinda fanelo, aniko ve luzekelwa ngutu.

Ku txi ta kutikulisa, ti nata ni tona tingana; aniko avale vo ti veka hahatshi, va ni wutxhari.

Ku si nga ni wuthangeli wo txhariha, vathu va wa, aniko ku di ni valayeli vavangi, ku ni kutsana.

Mihando ya m'thu wo lulama mndonga wa wutomi, se wule a manako mihefemulo a txharihile.

M'thu wa txibwebwe wa humisa txihunja, aniko awule a ku ni moya wo thembeka wa fenengeta mahungu.

M'thu wa wunene wa mahela wunene moya wakwe apune, aniko awule i ku txigevenga wa xanisa nyama yakwe apune.

Awule a thembako ka tithomba takwe a na wa, aniko vo lulama va na fana ni mwasi wo nakana.

Thomba kha yi na txivhuno ka ditshiku da kuhenya ka MKOMA, aniko kululama ka txhatxhisa kufani.

Kuthembeka ka vale vo lulama ku na va tsimbitisa, aniko wuhambunyeti wa sindaka-milayo wu na si haxula.

Kufana ni disinda da nzalama thonvuni ka khumba, ngu nga toneto wamsikati wo tshura a txi hambana ni ditshuri.

Txikalo txo dyelela wa txi venga MKOMA, aniko mpimo wo lulama wa mtsakisa.