Popular Bible Verses from Mavingu 10

Share

Txikatekiso txa MKOMA ngu txona txi ningako thomba ka m'thu, kambe ene kha na kuengetela txilo.

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Livengo li kujetela mazunga, aniko lirando la fenengeta sotshe sihambunyeto.

Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.

Nzila yo yisa kuhanyani, yi lumba wule a xayisako kukawukwa, aniko awule a lekako kukawukwa wa hoheta.

Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.

Kuthava MKOMA ka engetela masiku, aniko malembe a vo biha ma na komiswa.

MKOMA kha leki dihika da wo lulama difa ngu nzala, aniko kunavela ka wo biha wa kutsivela.

Wo biha a pinda kufana ni txihuhuri, aniko mlulami a ni kutsana ko mbi gwita.