Popular Bible Verses from Isaya 26

Share

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Thembani MKOMA ngu ha ku si gwitiko, nguko MKOMA Txizimu, dirigwi da yotshe mbimo.

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

MKOMA, awe u na hi ninga kudikha, nguko awe ngawe, u nga maha kwathu yotshe mithumo yathu.

Nzilani ka wulamuli wako MKOMA, ha kuverela; ditinani kwako ni mapimoni kwako, kuho kualakanya ka mihefemulo yathu.

Nzila ya wo lulama, yi lulamile yotshe, awe ngu kululama, u pima matsimbilelo a mlulami.

Nguko ene wa wisa vale va zumbako ka makhalo o guleka, kambe didhoropa di di guletwako a na di veka hahatshi, a txi di khundumusela, kala di maha lithulu.

Tulani matimba, kasi ku di na wulela ditiko do lulama, dile di xayisako ditshuri.