Popular Bible Verses from Isaya 25

Share

Awe MKOMA, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

A na fuvisa lifo ngu ha ku si gwitiko, ngu kumaha keto, MKOMA Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko MKOMA a wombile.

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene MKOMA, wule hi nga txi m'verela; hi na m'guleta ni kutsaka, kuhanyisani kwakwe.

Se mmangoni hawa a na vharula nguwo yi matiko otshe ma tsivako ngu yona tikhohe, ni m'jiyo wu matiko otshe ma sisalako ka wona.

Se MKOMA wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.