Popular Bible Verses from YOEL 2

Share

Makkedai PUWANGNGE, “Iyakiya makkekkuwangngéwé, lisuno ri Iyya sibawa sukku ati, sibawa mappuwasa, mpating nenniya teri.

“Labe'nanaro matti sininna tauwé Upennoiwi matu sibawa roh-Ku. Na ana' worowanému sibawa makkunraimmu napalettu'i matu sining pasek-Ku; tau macowa-cowaé ri yelle'mu mannippiwi matu riwéréngngi matu pakkitang kalloloé sibawa ana'daraé.

Sapé'i atimmu na aja' pakéyammu.” Gilinno ri PUWANG Allataalamu. Malampé sabbara'i sibawa makacuwa Masémpo atiwi sibawa pennoi pammasé. Masennang maddampeng sibawa dé' napojiwi patakkennai pahukkungengngé.

Iyakiya nigi-nigi méllauwi pattulunna PUWANGNGE, ripassalama'i matu. Makkedai PUWANGNGE, “Salama'i matu sining tau iya Upilé ri Yérusalém.”

Mancaji mapettangngi matu mata essoé sibawa kétengngé mancaji macella'i pada-pada daraé. Iya manennaro kajajiyangngi matu ri wettu dé'napa napolé Essona PUWANGNGE, esso iya maseroé sibawa mappakatau-taué!