Popular Bible Verses from YESAYA 44

Share

Saba' maélo-Ka tiri uwai ri tana iya marakkoé, sibawa passolo'i sining saloé ri tana iya makarossaé. Maélo-Ka mabbéréyangngi akuwasak-Ku lao ri wija-wijammu, sibawa barakkakiwi ana' eppomu.

Iyanaé adanna PUWANG Iya Pommakuwasaé, Arung sibawa pallinrunna Israélié, “Iyya Allataala Iya Posséuwaé, iya pammulangngé sibawa paccappurengngé.

Ulellungngi asalammu pada-pada ellungngé, Upaddésu'i dosamu pada-pada saléwué. Lisuno ri Iyya, saba' purano Upaleppe!”

Bangsa-Ku, aja' mumétau iyaré'ga tasséleng; dé'ga napolé ri yolo lettu makkekkuwangngé purani Uboto aga iya kajajiyangngé? Iko ritu sabbi-sabbik-Ku. Pallinrung iya laingngé dé'gaga sibawa dé' Uwissengngi.”

Iyya ritu PUWANG iya pancajiyékko, iya tappaékko mappammulai ri parémmanang, sibawa iya tulungngékko. Aja' mumétau, iko ritu atak-Ku, umma ripilé-Ku iya Uwamaséiyé.