Popular Bible Verses from YESAYA 45

Share

Na-Uwérékko matu waramparang asugireng iya tassubbué, kuwammengngi muwissengngi Iyya ritu PUWANG, Allataalana Israélié, iya puraé mobbiko sibawa asemmu.

“Maélo-Ka passadiya laleng untu' alému; bulu sibawa bulu-bulué Uparatai matu, tange-tange tembagaé Ureppa'i matu, sibawa paccala-cala bessié Upoloi.

Iyya ritu PUWANG, dé'gaga laingngé, Iyya Allataala Iya Posséuwaé. Purano Upassenjatai, namuni dé' muwissek-Ka. Iya manennaro Upogau'i kuwammengngi napolé ri alau lettu ri yajang naissengngi sininna tauwé Iyya ritu PUWANG, dé'gaga déwata ri laik-Ku.

Iyya ritu pancajiwi tajangngé sibawa pettangngé, papolé-Ka barakka sibawa abala. Iyya ritu PUWANG iya pogau' manengngéngngiro.

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

PUWANGNGE pura piléi Korésy mancaji arung; rijello'i untu' caui bangsa-bangsaé sibawa untu' pettuiwi akuwasanna arung-ngarungngé. Natimpakengngi matu aléna PUWANGNGE gerbang-gerbang kotana, dé' muwi séddi monro tattongko. Ri alénai makkeda PUWANGNGE

Puraka majjanci, na jancik-Ku dé' namarusa' matu; untu' alé-Ku muto Umattanro: Tungke tauwé makkaluttui matu ri yolo-Ku, sibawa ri laleng basana muto majjanci untu' matinulu lao ri Iyya.

Uwobbiko sibawa Uwérékko pattellareng, namuni dé' muwissek-Ka. Usuroko tulungngi Israélié atak-Ku, saba' mennang bangsa upilé-Ku.