Popular Bible Verses from YESAYA 43

Share

Pénessaiwi mébbu-Ka séuwa iya barué; mammulani makkekkuwangngé, dé'ga muwitai? Maélo-Ka mébbu laleng ri padang kessi'é, sibawa salo-salo ri padang makkale-ale'é.

Rékko léttoko uwai, Usibawakko matu, dé' mutallémme matu ri laleng asukkarakemmu. Rékko molako api, dé' mumangu matu, paccobang-paccobang matane'é dé' nacilakaiko matu.

Makkedai PUWANGNGE, “Dé'gaga gunana méngngerangngi wettu labe'é, paracuma sénge'i iya puraénna.

Israélié, mappakkuwaiyé adanna PUWANGNGE, “Iyya ritu mappancaji sibawa tappako, aja' mumétau, pasti Upassalama'ko! Purano uwobbi sibawa asemmu, appunnangek-Ku iyanaritu iko.

Mangke'ko ri matak-Ku, Uwangke'ko sibawa Uwamaséiko; na-Uwabbéréyangngi tolinoé selaku passullému, bangsa-bangsaé selaku passuléna nyawamu.

Saba' Iyya ritu PUWANG, Allataalamu, Allataala mapaccinna Israélié, Pappassalama'-Mu. Uwabbéréyangngi Maséré selaku pakkamajamu, Sudan sibawa Syéba selaku passullému.

Aja' mumétau, saba' Iyya linrungiko. Polé ri yajang sibawa ri alau Usuroi ana' eppomu polé maddeppungeng.

Iyakiya Iyya Allataala iya leddaéngngi dosamu, Uwaddampengekko nasaba makkuwaniro sipa'-Ku; dé' uwéngngerangngi dosamu.

Eh umma'-Ku, iko ritu sabbi-sabbik-Ku, iko Upilé mancaji ata-atak-Ku, kuwammengngi naissek-Ka sibawa mateppe'i ri Iyya, sibawa majeppuiwi makkedaé Iyya'na Allataala. Iyya Allataala Iya Posséuwaé, dé'gaga laingngé ri yolona sibawa puraku-Na.

Iyya'na ritu PUWANG, ri lainnaé Iyya dé'gaga mappassalama.

untu' mannennungeng tette'-Ka Allataala. Dé'gaga mulléi leppe polé ri akuwasak-Ku, iyaré'ga lawa-lawaiwi rancana-Ku.”

Nabengngari-Ka matu olokolo liyaé; napoji-Ka matu serigalaé sibawa manu'-manu' untaé saba' passolo'-Ka uwai ri padang kessi'é, sibawa salo-salo ri padang makkale-ale'é untu' mpéréngngi uwai umma upilé-Ku. Mennang ritu bangsa iya Utappaé untu' alé-Ku, kuwammengngi naulléi mabbirittangngi pappojiyangngé untu' alé-Ku.”

Uparéntangngi manorang sibawa yattang, kuwammengngi namasitta mennang rileppessang. Leppessanni ana'-ana' worowanému lisui polé mabéla, sibawa ana'-ana' makkunraimmu lisui polé ri cappa-cappa linoé. Saba' pura manenni mennang riyobbi sibawa asek-Ku, Upancajiwi mennang untu' pakarajaka.”

PUWANGNGE pura mébbu séddi laleng molai tasi'é, molai uwai iya mabbombangngé. Nasuroi tentaraé sibawa parawira-parawirana mammusu, sibawa mallurui mennang sibawa karéta makkinnyarang. Iyakiya menrungngi mennang, dé'na naulléi tokkonna, matéi mennang pada-pada sumbung iya peddé.

Iyya ritu PUWANG, Allataalamu iya mapaccingngé, Arummu, iya pancajiyékko, éh Israélié!”