Popular Bible Verses from EFESUS 4

Share

Mboi mkosnemna nfafir faro min mkoḇesi, mko swaryae mko, ma mkoḇuk ampunyae faro mko, imnis raris Allah ḇyuk ampun ḇemko ro Kristus.

Inja mkorun mkosnemna ḇesya kwar, mkosnemna nasḇunek ma mkokaḇaḇaḇ. Mkofasnai saswar mkoḇena ro mkofnoḇekyae mko.

Wawos ḇemamas nasasyar awer ro mkosḇamna, mkawos kuker wos ḇeḇefandun ḇeḇawes, insa ḇemnafsya, sisma saswar-fakamaman.

Mkosawen swaruser ḇeḇor ḇesarmar ro mkosnemna, dosam masasor, rakrakrok ma famfaras, rarirya kako ḇarḇor ḇeḇor ḇero mkosnemna kam.

Rofyor mkomsor, mkomsor isof ori isyun epen awer, rarirya ido mkoḇesasar, inja mkoḇuk fafisu faro Ibirisya awer.

isoine mkosawen kankenem ḇekwar ro ḇepon, rmomenya kyakok kwar kuker ankarkar, insama mkosnemna ma kakara ḇeḇor mkoḇena nbabo kam, inja mkokenem babo, imnis raris Allah ifrur kwar ma marisen ḇyedi isoine kankenem ḇenapes, ma ḇesren.

Ma mkoḇesewar famkofaduru ḇaḇeoser Rurya insa fyesepen mko kuker aski

Ma i ḇeḇuk kwar iḇye manwawan, iḇye kako nabi-nabi, iḇye manbaryas Ankankinem Ḇeḇye, iḇye kako manfarandous ma ḇeḇuk farkarkorsya, insa sfasos snonkaku ḇesren faro fararur afuffarmyan, faro ḇaḇawes Kristus baken ḇyedi, isof kokam kosma kwar ḇaḇeoser ro kakyarya ma fawawi ḇekaku ro Allah Rumkun ḇyedi, ma komnis snonkuf ḇepduk, ma faḇaḇye muma ḇesur imnis Kristus

inja komnis romawa kasun werḇa, ro farkarkor wam syoso-syoso ḇefrur ḇirḇar ro farfnak fromo ro snonkaku ḇefawi ankarkar ḇeḇuk farkarkor ninyan, ḇape kuf nako farkarkor ḇenapes ma saswar, ro roi ḇeḇor kam insa nasur faro i, isoine Kristus, ḇeḇeḇruya.