Popular Bible Verses from 2 KORINTUS 4

Share

Snar nkomam epen roi komam naneḇa, mboi roi komamba na. Roi komam na nkain fyoroḇa, ḇape roi komamba na nkain faswef isof fyoro-fyoro.

Iso eḇedari nkoḇeḇirḇarḇa. Nyan ro ḇar baken koḇena namkok syadi rariso wer, ḇape nyan ro ḇar rur koḇena neḇefrur babo ro ras ḇeras. Ma kandera ḇemanan, nkofawi ḇekain fyoroḇa, nari ḇyuk maḇenko marisen ḇesyadadi ma ḇekain fyoro. Marasrisen ani ibasyadi wer kaku rofyor koḇuki kyara kandera ani.

Sawos nkora ḇandiḇar, ḇape nkodadorḇa. Nko kmom, ḇape nkoḇeḇirḇarḇa. Sibor sembroḇ nko, ḇape nkemir nkokain ḇa. Ma fafisu ono siprer nko rao nkosapi, ḇape nkomarḇa.

Ḇape nana ḇepyum ro rur ani nkuni kuker baken sifrur ro saprop ḇeḇemaejaḇa ine. Rarirya isnaibos mboi baba papoik ani isya ro Allah mboi isya ro nkoḇa.

Ilah (Manserensya) ḇeḇarḇor ḇeyuf supswan ine srup kakara snonkaku ḇekyarḇasya. Si ḇedwareksi insa smam awer sananai ro Ankankinem Ḇeḇyeya ḇekur Kristus baba ḇyedi, ḇemnis Allah fanir ḇyedi.

Allah ikofen, “Iḇyekada ro pampanya dori sananaya dek,” Allah ani kako ḇeḇuk sananaya fadek ro kosnesna, insa kakara koḇena nasnai insa kofawi Allah sanapnaper ḇyedi ḇesnai ro Kristus ḇarpon ḇyedi.