Popular Bible Verses from 2 KORINTUS 5

Share

Snonkaku ḇeḇeoser kwar kuker Kristus, sḇesnonkaku ḇebabo kaku ḇeri. Inja roi ḇekwar ro snonkaku ani isyaḇa kwar – snar nakam nbabo kwar.

Kristus ifrur sasarḇa, ḇape Allah ḇyuk faḇyar sasar koḇena, insa koḇye kaḇer wer kuker Allah, snar ḇaḇeoser koḇena kuker Kristus.

Snar kokenem kuker knam kakyar, mboi ḇyeknam ro roi komam naba

Allah iso ḇefrur nakamya. Ifrur rarirya snar Kristus ma koḇye kaber wer kuker i, raimnai ḇyuk fararur maḇeko fa koḇaryas wos ḇeḇye insa snonkaku ḇesesya kako sakḇye kaḇer wer faro Allah. Inja wos nkoḇena kuker manfandu Kristus, Allah ifrur isof snonkakusya siḇye kaḇer wer kuker Allah. Allah ifrurna rarirya mboi kyor sasar snonkakusya sifrur faroi naba. Ma Allah ḇyuk fararur ani maḇenko fa nkoḇaryas wos ani.

Inja nkoine manwawan Kristus. Ma nkawawos faro naek mko imnis Allah mankundi ḇewawos faro naek mko. Snar Kristus snonsnon ḇyedi, nkor kaku ḇeri ḇemko, mkona Allah saswar ḇyedi ḇeḇuk fa mkoḇye kaḇer wer kuker i.

Kristus imar fadwer snonkakusya kam, insa snonkaku ḇekenemsya, sikenem faro mankunsi ḇardi werḇa, mboi sikenem faro Kristus ḇemar kwar ma ḇyeḇeḇawes kaḇer wer snar fandun sena. Iso eḇedari, nkokara snonkakusya werḇa imnis warnkyara snonkaku. Randakya nkokara Kristus kwar roḇar snonkaku, ḇape baboine roḇa kwar.

Kristus saswar ḇyedi ḇedif nko; ma nkofawi snon oser imar fadwer snonkakusya kam kwar, iso eḇedari snonkakusya kam simar kwar.