Popular Bible Verses from EFESUS 6

Share

Sabab kita berjuang bolikon tolongo lawane kobanggapi, bai lawane sasaibino kosetan-setan nabukuanan mo kuasaiyomo nalounu nia mo lokis. Kita lawane koibiliis nabukuanan mo kuasaiyo kodapang.

Kubaiyo sasaibino doiya loolainge tukon sambeang sulano mumangkabi potombonii doi Mian Bisa. Doi memeeng kotodanan, posambeang bunomo lakon Mian Bisa Na Roh nalolaingano komuyu. Siokai komuyu sidutu badagai tukon inai pokala. Posambeang sidutu motuuk doi Mian Bisa namian.

Popakeyo sasaibino kopo pakakas sinadia polobosian Mian Bisa mo beekene doikoo, sulano komuyu moola bataanggon lawane ko Ibiliis nakuasa.

Tobikon doiya, diabudodoo, popakeyo sasaibino ko Mian Bisa nasenjata polobosian, sulano doi oloyo mo lokis komuyu moola lawane komusuh namolobosian. Tukon sulano kalu komuyu lapamo berjuang polong pupus, komuyu daano motambongan tuuno.

Samba-samba kotempo pakeyo komu manganggaan doi Temeneno teali mupangalin; tukon manganggaanoo komuyu moola posoiyo kopana matano modaano koaung moluwedoi ibiliis. Poalayo kasalamatanoo bunokene songko besi, tukon Mian Bisa nabantilan buno sabel moluwedoi Mian Bisa Na Roh.

Siokai komuyu pobasadia momeenggon. Popakeyo komololean doi Mian Bisa buno poboot oako, tukon komoliosan buno mubokukum besi. Sio komololean natuuk doi babilitakanano ko Bilita Monondok mo babayo komonondokan teali musapatu.

Kona pupusan, siokai komuyu poteali bukuan tukon bukuanan komuyu mo laate doi Temeneno nakuasa, sabab komuyu pomeenggono tukon Yana.

“Odotiiyo kotamamu tukon tinamu” doiya daano meeng kopalenta tumbeno doi Mian Bisa tukon dinondiikon, doiyamo: “Sulano ikoo mumonondok tukon nabulusan komu umur doi dunia nia”.

Labuk-labuk! Buno pololaing Kristus, poloingiyo komuorang tua sabab doiyamo komo moola kinubai.