Popular Bible Verses from EFESUS 5

Share

Komuyu daano Mian Bisa nalabuk-labuk mo sineang, sabab doiya komuyu sio pokakaate mololoiyo ko Mian Bisa. Komu tuboan sio nadaano koseang, buno Kristus seseange kita. Yana salakanggene kobutongo tuuk doi kita, buno meeng kososubakon mo babangi tukon mosanaanggene ko Mian Bisa noano.

Tobikon doiya, potimbikene mono-monondok komu tuboan. Inai motubo buno mian mobonggu; potubo buno mian badaang mopandoi. Gunakanggene mono-monondok kotodanan mo daano doikoo, sabab doi lounu nia daano lounu mo lokis.

Inai komuyu pomalangukene koanggur, sabab doiya naikon kulokisene komuyu. Kobalino, siokai komuyu Mian Bisa Na Roh komo kuasaiyo. Popakeyo kobantilan-bantilan doi nyanyian sadeong nggaa-nggaale tukon lagu rohani, doi mubasa-basalitaan lalomo. Siokai komuyu tukon noamuyu tedes mananikene kongganggaalano ko Temeneno. Sidutu tukon tentang oilamo koidan, siokai komuyu pobakinatauwan doi Mian Bisa Tama, doi Yesus Kristus sambuno nda Temeneno.

Inai mobonggu, bai ondosuuke oila ko Temeneno namongiasan.

Langkai seange komu boloki, pokakana Kristus seange kojemaat tukon salakanggene kobutongo motuuk doi jemaatoo.

Komuyu susuungo loolukonoo daano doi kalipookan lalomo. Budodoiya komuyu lapamo teali Temeneno namian, jadi komuyu daanomo doi madialan lalomo. Tobikon doiya komuyu sio potubo doi madialan lalomo.

Tuuk odotiiyano Kristus, siokai komuyu popoodotii meeng tukon bailon.

Boloki, odotiiyo kona langkai, pokakana doi Temeneno.

Doi ayatoo motabantil daano kona potaamian koidan tukon komuyu: Siokai memeeng kolangkai seseange kona boloki pokakana yana moseange kobutongo susuungo tukon siokai memeeng koboloki kakaate tuuk odotiiyano kona langkai.

Doi Kitab Moliyous lalomo totulis, “Sabab doiya meeng komala-malane naikon otinggale kotamano-tinano tuuk pomeenggon tukon naboloki, tukon luailadoo teali meeng.”

Inai pokubaiyo kokokubai-kokubai mo akiyo kotakoso buno mian-mian mo tubo doi kalipookan nakinubai. Kobalino, siokai komuyu poakiyenggene kolangge mobuno doiya. (