Popular Bible Verses from Roma 13

Share

Hangaa-ngaa nodokou Pueꞌ Iesu Kerisitu i lalu katueꞌmi. Ineeꞌkou mampekiri bábehiá to kadake, bona ineeꞌkou mobábehi to mouláꞌ peundeꞌána lalumi haduduámi.

Hangaa-ngaa nibaiari upu-upu indámi, agáiáná hampákáꞌ indámi to tiꞌara peisá upu nibaiari, ia miꞌi mombepokaꞌahiꞌkou hadua hai hadua, láwiꞌ heáná peá to mampokaꞌahiꞌ hángká rángána, ia miꞌi to mampeuláꞌi Párentána Pueꞌ Ala to napahaweꞌ Musa.

Upu-upu tauna hangaa-ngaa mengkoruꞌ i topopárentá, láwiꞌ kuasaꞌraꞌ mepárentá mentóáꞌ hangko i Pueꞌ Ala. Onoꞌ miꞌi haneꞌi tauna to moewaꞌ topopárentá, hibali peá hai moewaꞌ Pueꞌ Ala, láwiꞌ topopárentá napakanótó miꞌi Pueꞌ Ala. Hai tauna to moewaꞌ topopárentá bateꞌna ina molámbiꞌ pehuku!

Duniáꞌ deꞌe napamakáindi dósá. Agáiáná tempó kamakáindi deꞌe ina maliu miꞌi, hai ina haweꞌ kamabaa i kahaweꞌna huleꞌ Iesu Kerisitu. Onoꞌ miꞌi haneꞌi hangaa-ngaa nikábáhá bábehiá to makáindi hai hangaa-ngaa nipakeꞌ kuasaꞌ hangko i Pueꞌ Ala bona peisákou moewaꞌ kamakáindi hai tueꞌkou i kamabaaꞌáNa.

Ane nipokaꞌahiꞌ hángká rángámi, tiꞌarakou mobábehi to kadake i hira. Mewaliꞌ ane maꞌahiꞌkou, lempóna: nipeuláꞌi upu-upu Párentána Pueꞌ Ala.

Hangaa-ngaa nibaiari i topopárentá apa to hintotoꞌ nibaiari, rápáꞌna: ásele hai to ntániꞌna. Mengkoruꞌkou i tauna to hintotoꞌ rapengkoruꞌi, hai nibiláꞌheꞌ upu-upu tauna to hintotoꞌ rabiláꞌ.