Popular Bible Verses from Roma 14

Share

Láwiꞌ popárentána Pueꞌ Ala i lalumi, tiꞌara mokana ádá pandeꞌ ba painu. To hangaa-ngaa nipaioru i lalu katueꞌmi ia miꞌi: mouláꞌkou peundeꞌána Pueꞌ Ala, mohintuwuꞌkou, hai tueꞌkou i lalu kagóeꞌ-góeꞌ. Upu-upu iti mentóáꞌ hangko i Inao to Magasaꞌ. Ane noꞌonoꞌi peuláꞌmi i Kerisitu, ina napokagóeꞌkou Pueꞌ Ala hai rabiláꞌkou rángámi.

Tueꞌ ba matekeꞌ, bateꞌna mampomahilekeꞌ Pueꞌtaꞌ láwiꞌ taunáNakeꞌ.

Onoꞌ miꞌi haneꞌi hangaa-ngaa nipári-pári bona mohintuwuꞌkou hai hángká rángámi, hai mombepakaróhó mpolalukou hadua hai hadua.

Pueꞌ Ala ina mobutusi kárá-káráraꞌ upu-upu tauna, onoꞌ miꞌi haneꞌi kuhángáꞌáꞌákou: ineeꞌkou mombesasalaꞌi. Rángina miꞌi maroꞌa-roꞌakou bona tiꞌara ara bábehiámi to mopakanawoꞌ halalu hampepepoináláimi álána madósáheꞌ.

I lalu Sura Magasaꞌ, Pueꞌ Ala manguliꞌ: “Toꞌu ntepuꞌu to Kuꞌuliꞌ deꞌe: Upu-upu tauna ina molingkudu i lindoꞌKuꞌ, hai upu-upu tauna ina mopangákuꞌ kaKódóꞌna Pueꞌ Ala.” Mewaliꞌ, kitaꞌ upu-upu hangaa-ngaa mopangákuꞌkeꞌ bábehiántaꞌ i Pueꞌ Ala.

Ara halalu hampepepoináláintaꞌ to tiꞌara mani maróhó pepoináláiraꞌ, láwiꞌ bata-bata mani laluraꞌ mokana bábehiá to hintotoꞌ. Hangaa-ngaa nitarima maroꞌa tauna iti. Kehapiꞌ mosisalaꞌ polámbiꞌmi, ineeꞌ iti to mewaliꞌ ntóáꞌ pombeheheꞌmi.

Heánárakou haneꞌi pebáiꞌkou mokámbáróá topobágóꞌna to haduána? Ba maroꞌa bábehiána ba tiꞌara, iti popakanótóna rái pueꞌna. Hai bateꞌna ina maroꞌa bábehiána, láwiꞌ Pueꞌ haduduáNa to Nabuku mokámpái.