Popular Bible Verses from Roma 12

Share

Ineeꞌmokou mampeuláꞌi bábehiáraꞌ hai ádáraꞌ tauna i duniáꞌ to tiꞌaraheꞌ mengkoruꞌ i Pueꞌ Ala, agáiáná nipatodáhi miꞌi Pueꞌ Ala mopawoꞌu pekirimi bona tebáliki pambiárámi. Láwiꞌ ane nibábehiꞌi noꞌonoꞌ, ina niꞌisá ntepuꞌu peundeꞌána Pueꞌ Ala, ia miꞌi: apa to maroꞌa nibábehi, apa to mopagóeꞌ laluNa, hai apa to tiꞌara ara katesalaꞌiána.

Mewaliꞌ halalu-halalu, ánti kamahilena ahiꞌna Pueꞌ Ala i kitaꞌ, onoꞌ miꞌi haneꞌi kupembiáꞌ bona nihuhuꞌ katueꞌmi i Pueꞌ Ala mewaliꞌ popenómbá to tueꞌ. Ane iti to nibábehi, lempóna magasaꞌ katueꞌmi i peitána Pueꞌ Ala, láwiꞌ iti to mopagóeꞌ laluNa, hai iti miꞌi popenómbámi to hintotoꞌ ntepuꞌu i Hia.

Hangaa-ngaa góeꞌkou ánti pehárungámi i upu-upu to ina nabábehiákou Pueꞌ Ala. Mantahakou i lalu kapári. Madotakou mekakae.

Mewaliꞌ ineeꞌkou nanangi bábehiá to kadake, ngkáliꞌna riꞌi bábehiáraꞌ to kadake ninangi hai bábehiá to maroꞌa.

Mombepokaꞌahiꞌkou hai mombeádáikou hadua hai hadua nodokou topohalalu.

Nipokaꞌahiꞌ rángámi hangko i lalumi ntepuꞌu. Nikábáhá bábehiámi to kadake, hai nibábehi oaꞌ bábehiá to maroꞌa.

Nipári-pári i lalu katueꞌmi bona modamekou oaꞌ hai upu-upu tauna.

Halalu-halalu to kupokaꞌahiꞌ: ineeꞌ niháwángi kakadakena tauna ntániꞌna. Nipatodáhi Pueꞌ Ala mohukuheꞌ, láwiꞌ i lalu Sura Magasaꞌ, nauliꞌ Pueꞌ Ala node: “Kódóꞌ to makuasaꞌ moháwángi. Kódóꞌ to makuasaꞌ mehuku.”

Hangaa-ngaa madotakou mobágóꞌ, ineeꞌkou lohe. Nipopolumao bágóꞌna Pueꞌ hangko i lalumi ntepuꞌu.

Ánti kabulána laluNa, Pueꞌ Ala mowátiꞌaꞌ bona mewaliꞌaꞌ suroNa, onoꞌ miꞌi haneꞌi kupahaweꞌákou laluita deꞌe: ineeꞌkou mampepemahile. Hangaa-ngaa manótó lalumi mampekiri mokana i katueꞌmi hadua-hadua, hintotoꞌ hai pewátiꞌ to nagáláꞌ-gáláꞌákou Pueꞌ Ala ánti pepoináláimi i Hia.

Ane araheꞌ to mobábehi to kadake i kómu, ineeꞌheꞌ niháwángi. Nibábehi apa to maroꞌa i peitáraꞌ upu-upu tauna.

Hangaa-ngaa hintuwuꞌmokou hai upu-upu tauna. Ineeꞌkou mampepemahile, ngkáliꞌna riꞌi timamakou mampopolumao bágóꞌ nodo to rabágóꞌ tauna to i wóiꞌ tueꞌraꞌ, hai ineeꞌkou mampe to mapánde.

Mewaliꞌ, nipeuláꞌi miꞌi paturoꞌ i lalu Sura Magasaꞌ to manguliꞌ: “Ane ewálimi marimi, nipaꞌandeꞌheꞌ. Ane mangkadoꞌuheꞌ, nipopainuheꞌ. Ane nibábehiꞌi noꞌonoꞌ, ina masandaꞌheꞌ hai rapokahili bábehiáraꞌ i kómu.”

Ane ara tauna to mampopeahiahiꞌkou, ineeꞌheꞌ nitundaꞌ, ngkáliꞌna riꞌi hangaa-ngaa nipembiáꞌ i Pueꞌ Ala bona Nawátiꞌheꞌ. Hangaa-ngaa góeꞌkou hingkakani hai tauna to góeꞌ, teriaꞌkou hingkakani hai tauna to teriaꞌ.

Nitulungiheꞌ halalu hampepepoináláimi to ara kamakuraꞌraꞌ. Hangaa-ngaa góeꞌkou motarima torare.

Pándiriꞌ, i wátántaꞌ handaꞌ pákáꞌna, agáiáná hambuaꞌ peá wátántaꞌ. Hampákáꞌ-hampákáꞌ montaniꞌ-ntaniꞌ bunduꞌna. Noꞌonoꞌ woꞌo kitaꞌ to mepoinálái i Kerisitu: handaꞌkeꞌ, agáiáná hampepekirikeꞌ ánti pohintuwuꞌtaꞌ hai Kerisitu, hai mohintuwuꞌkeꞌ upu-upu hadua hai hadua.