Popular Bible Verses from Pangngitanna Yohanes 12

Share

Puhang nataloii ungngolai yato hahana Änä' Domba sibaha kaheba ang tahpa' ang sika napepainsangnging. Sika nasahane' umpebeaing sungnga'na lambi' mate.

Mane unghingngiä' kamaha yaho di suruka naoatee, ”Dinoante' tempona Puang Alataala umpalanda' kasalama'ang. Dinoa Puang Alataala umpalanda' kakuasaanna ma'pahenta. Dinoa yato To Dilanti' la Mepasalama' umpalanda' toe' kakuasaanna! Aka' ang untanda' tahuhu solata to mampetahpa' allo-bengi di olona Puang Alataala puhang dipentibeing tama di lino.

Ampo' yato saha käyyäng ditalo anna dilaba'i yaho mai di suruka. Dipentibeing tama di lino sibaha malaeka'na. Dianto ile ang handang dolu ang disangai ‘Pongkahana setang’ bahtu' ‘inaha karake,’ ang umbulitu' ingkänna to lino.

Dahi kahsi liu suruka anna samai ihsinna ang ma'ongeang yaling! Ampo' lino anna le'bo' tilaka nei', aka' napentamang Pongkahana setang. Kakeaha'anna masahhu', aka' nainsang sämpäi'dang supu tempona.”

Pihsananna tahpa dahi siang kasitolla'ang yaho di suruka. Mikhael, mesa pongkahana malaeka', sibaha malaeka'na untolla' yato saha, noa toi yato saha naposolai toe' malaeka'na, umbali Mikhael.

Yato saha keaha' si'da-si'da pano yato di bahine, lambi' le'ba' do natolla' peänä'anna, dianto ingkänna ang untuhu'i pahentana Puang Alataala anna ang unsa'bii Puang Yesus.

Pihsananna diitang yaho di langi' mesa tanda ang mepusa'-pusa' anna senga'-senga'. Mesa bahine ang nasapu' mataallo salamang ang napekaya', lella' ungngindä'i bulang. Yaho di bää'na aha songko' nadehke'i sampulo derua bintäng. Yato bahine kehähtäng anna lambi'mi tempona la keänä', ya' mohahaemmi aka' mansa'ding.

Keänä'mi inde bahine mesa muane-ane ang la umpahenta ingkänna bohto sitonda kamatohoang. Ampo' yato änä' tahpa dipensintoing anna dibahai dai' di olona Puang Alataala di ohko'ang tomaraya. Tahpa menanda siang inde bahine pano di ongeang makä'däng, ang inang napatokaing Puang Alataala. Dianto naongei didakai yaling di sansa'bu dongngatu' unnumpulo allona, bahtu' tallu setangnga pahiamanna.

Mane landa' boi yaho di langi' mesa tanda ang mepusa'-pusa' dianto aha mesa saha malea ang käyyäng liu, pitu bää'na anna sampulo tandi'na. Mesa boi bää'na mesa bung songko' tomaraya. Yatoo okinna unghui' sambahe tallunna bintäng yaho di langi' mane napentibeing naung di lino. Inde saha di hao di olona yato bahine ang lella' mansa'ding, ungngempei yato änä' ang la sohong, pemala naande.

Ampo' yato bahine puha dipapanoi pani'na sahebaki käyyäng, anna malai lumolo' pano di ongeang makä'däng, dianto ang naonge didakai di hao mai inde di saha yaling di tallu setangnga pahiamanna. Pihsananna yato saha umpembuhha'ming uhai salamang salu uhai yaling mai di suana pano yato di patunna bahine anna malai nalabu. Ampo' lino umposolai yato bahine. Yato lino umbuhkei suana anna unsuhhu'i yato uhai ang sohong yaling mai di suana yato saha.