Popular Bible Verses from Pangngitanna Yohanes 11

Share

Pihsananna yato malaeka' kapitunna umponi terompe'na, ya' ahang kamaha napekäyyängngi yaho di suruka naoatee, ”Kakuasaang umpahenta to lino ahang dinoa di teyyena Dehatanta sibaha To Nalanti' la Mepasalama'. Dianto ang la ma'pahenta lambi' sapano-panona!”

Ingkänna tau ang dao mangnginsang sika keaha', ampo' lambi'mi tempona umpepaitaing kakeaha'ammu. Lambi' tung tempona umpahehsao ang nababe to mate naonge tuhoke'. Dianto inde tempona la umbea saho sabua'mu, samai nabi, anna pano di petauammu ang mampenombaio, moi memase-mase, moi dipakeangka'. Tempona toi untallangngi tau ang ungkarakei to lino!”

La unsuoä' derua sa'bingku ang mekaya' ma'tomate, sika umpepainsangnging kahebaku yaling di sansa'bu dongngatu' unnumpulo allona, bahtu' tallu setangnga pahiamanna.”

Ampo' puhanna yato tallu setangnga allona, ya' napapenanahang Puang Alataala yato derua sa'bi lambi' tuho sumule. Sika ke'de' siang, lambi' yato tau ang mangngita sika mahea' liu.

Aha kakuasaanna anna malai dai kene' yaling di tempona umpepainsangnging kaheba ang sule yaho mai Puang Alataala. Ma'kuasa toi umpopendahi haha samai pengkalaoanna uhai. Mala toi umpaaha ma'kahupa-hupa kamasuhsaang yaling di lino diamo naonge sihatang napambabei.

Yato derua sa'bi dianto derua bätänna poang zaitun anna derua pampatokoang lampu ang aha di olona Puang Alataala To umpuängang lino. Ponna aha tau nasändä' la mangkarakei, ya' la aha api sohong yaling mai di suana ungngämpu'i samai balinnaii. Napanoanto indee umpatei ingkänna tau ang la mekarakei.