Popular Bible Verses from Pangngitanna Yohanes 13

Share

Done indee pahallu dipihki'. Tau ang manähäng malaete' ungngihsa' bahtuanna yato hekenganna olo'-olo'. Aka' hekenganna dianto sanganna mesa tau ang diihsa' unnungngatu' unnumpulo unnung.

Yato olo'-olo' la napenombai ingkänna to lino. Supure' ang puhang tiuki' sanganna yaling di suha' pantekenganna to tuho lambi' sapano-panona daine' la mampenombai. Dake' aha dipadahi inde lino inang aha tiuki' sangannaii tama inde di suha' ang naampui Änä' Domba ang puha dikehe'.

Lambi' samai hupatau, keangka' bahtu' dai, to makaka bahtu' to pemase-mase, sabua' bahtu' to beba' napahsa toi yato olo'-olo' untahimbo tanda di hao di teyye kuanannaii bahtu' di hao di kandinna. Nasuhung napanoa anna malai dai aha moi poro la mesa ang mala mangngalli bahtu' ma'balu' ke dai umpake tanda dianto sanganna siang yato olo'-olo' ang uhuna bahtu' hekenganna, ang sinnoa bahtuanna.

Tau ang la ditahungkung inang la ditahungkunna. Ang la dipatei umpake pa'dang, inang la dipateinna. Dianto anna pahallui petauanna Puang Alataala sa'bara' anna umpamatoto' kapampetahpa'anna.

Pihsananna ungngita bumä' mesa olo'-olo' sampulo tandi'na anna pitu bää'na, sohong di hoi' mai di le'bo'. Yato tandi'na pantang kesongko' tomaraya, anna di hao di bää'na pantang aha tiuki' mesa sanga ang untula' tahuhu Puang Alataala.

Dipabei toe' umpa'bali petauanna Puang Alataala anna nataloi. Dibea kakuasaang umpahenta ingkänna bohto di lino.

Ingkänna tau ang aha di lino nabulitu' umpake tanda ang mepusa'-pusa' ang dipabei nababe di olona yato olo'-olo' ang uhuna. Anna sika disuo asang umpake'de' tau-tau sinnoa hupanna yato olo'-olo' ang puha nabila'i pa'dang ampo' tontong tuho. Yato olo'-olo' kaderuanna dipabei umpapenanaha yato tau-tau, lambi' mala ma'kara anna umpatei ingkänna tau ang dai mampenombai.

Hupanna yato olo'-olo' sinnoa tallu hupanna olo'-olo' peande. Kalaena sinnoa singa anna bihti'na sinnoa bihti' beruang kalambe' kanukunna, anna suana sinnoa suana harimau. Inde olo'-olo' nabea yato saha kamatohoanna ang käyyäng anna kakuasaanna ma'pahenta.

Yato olo'-olo' dipabei tomande' ungngangka'-angka' kalaena sibaha untula'-tula' tahuhu sanganna Puang Alataala. Dipabei toi ma'pahenta noa yaling di uhpa'pulo derua bulanna, bahtu' tallu setangnga pahiamanna.

Kuitang mesa bää'na yato olo'-olo' sinnoa ang bila' käyyäng ang sai'di' tala napobaha mate ampo' bono'mi. Ingkänna ihsi lino pusa' anna untuhu'i yato olo'-olo'.

Mane ungngita bouä' mesa olo'-olo' senga' sohong di hoi' mai di tampo, derua tandi'na sinnoa änä' domba ampo' kamahanna sinnoa oninna saha. Inde olo'-olo' umpake kakuasaang ang käyyäng di olona yato olo'-olo' ang uhuna, ang natahimbo siang di hao mai. Ingkänna ihsi lino napahsa umpenombai yato olo'-olo' ang uhuna ang bono'mi bila' käyyänna.