Popular Bible Verses from BAPOROMTAM ATAKAM 9

Share

Emesare, era asan potanak baemapom pak bomon dambir apok owe, aban akenemapomes pak basitim, bamakem apok. Are era biiam, era etoam asitimaaris. Era eto, ere emasam, perakam, tembagaam, ekaam, wusam, emes pak are. Me, era eto, baemepor asan apok. Are atakam jane baemejie asan apok. Are baemejar asan apok. Era owe ere, owe ajaies pakam, era bii aptam owe atakam ji aea ajaiesam, era tani tamane bajamdamat aema ajaies pakam, era pak wosom aea ajaies pakam, bamakem apoknak aemes.

Kaisini tananeam era jisamun aemtepe asan apipiendaes. Allah asesa, era kaisini takes atetamtetere. Era asesa, ara tapirmi ande asesa awar. Allah ere, atakam era kaisini tanane akorome. “Tare era tapirmi takapin bajurusum bas. Erea pak akeneam, era wusam, bajurusum bas. Dere ere, wan asamot owe abipis bi baokomapom apok aemo. Emesare, tare era owe taka ajurusumay.” Emes atakam aesime.

Emesare, malaikat kelima afwi ajame. Derarawa, era tapirmi akondae bais taka aporo. Allah, kunci era bais atetame. Era kunci kakotenak jipa jimsap bapaim kunci.

Armat Ipitam, era kaisini tanane, era owe bambi bajurusum, pir ban taka, atetame. Me, are era owe batatii apoken. Era owe ajirisemtas pak, era ande, asamot owe sisi ajatemar asesa emes tamen are.

Era kaisini tanane abaomep ipit, ere kakotenak jipa banamek ataimar malaikat are. Ibrani atakam ere, ajuas “Abadan” are. Yunani atakam ere, ajuas “Apolion”. Era juas daatakam “Danais Baemapom Ipit”.