Popular Bible Verses from BAPOROMTAM ATAKAM 10

Share

Me, era malaikat ketujuh afwi ajamto, Allah era bomonnak atakam asakamtiie pak aemkoromtem. Bonak ere, Are asakamtiie atakam, abambi karai baetam owe akorome. Era owe, Allah atakam bakoretam owe are.” Era malaikat emes atakam aesime.

Armat ipit arawa, “Allah, owe samane tanane, atakam akorem. Are tapirmi tanane oweam, taka taka atakam owe tananeam, raja owe tananeam, atakam akoremara. Emesare, wore era akoremar atakam kaaowe akoretamey.” Emes atakam aesime.

Emesare, dere wan fiaknak malaikat taka, era Surga oup aendae aporo. Are wonamo fasar, pakaian tamen, ajiimome. Bakaoam akuus afojimtopome. Abiam jee apone tamen aturumdae. Akamtanam jisimak jee tamen.

Emesare, dere malaikatpu ambaremo, wanam, atakam akoromo. “Ara ajaokoamse surat kope dera tetaman.” Emes atakam aesimo. Armat Ipit ere, atakam dera akoromen. “Ara surat bataerey, wanam bandey. Ara surat arawa, wojak bomon asesa aemtem. Me, wookone bomon, ara surat embore bwi femase tamen aemtem.” Emes atakam aesime. Derarawa, malaikat era ban atoome surat ataero. Denom era surat ando. Era surat deokone bomon embore bwi femase tamen aeme. Me, ando ere, era surat dejak bomon asesa aeme.