Popular Bible Verses from 1 TIMOTIUS 4

Share

Emesare, wore ai ipit. Me, owe emes bifane wora bafeomem bas. Worarawa, atakam akot akoreaarey. Wonom turunak ipit aememey. Oweam afaimkoromey. Wonom Kristus eemnak ambesemkoromey. Wonom bi akotnak ipit aememaarey. Me Kristus eemnak ambesemkorommas owe, era aemmarem pak jipu taka batawejomtas.

Owe era atey bae pak, ere akot kope. Owe turu baemem ere, akotnak. Dare turunak owe aememtam, dare ara aemansa tapirmi asan akot aememtemarom. Danom asep bare Surga oup asan akot aememtemarom.

Era aemtem pak turuar. Era atakam aememtamtem pakam turuar. Emes aememaarey. Emes aemtem, wonom ajoremtemarem. Wonom woatakam jane ajitas owe ajortaertemarem.

Emesare, Allah Jip atakam baso akorem: “Era asepnak bare, wan owe, Kristus bamesem ambompimtemas. Are pote atakam akoretas bii, ajamkaitemas. Are bii aememtammas atakam, ji aeetemas.” Emes atakam akorem.

Wonom era asan pota tarai atakam bajiosomey. Era atakam, atakam janda. Wore ere, turu ipit baemem, aememaarey.

Wore Alkitab atakam, owe, baca aemtamaarey. Wonom era atakam akoretamaarey. Era atakamam aememtamaarey— era ajinaotey bare ajiirea.