Popular Bible Verses from 1 TIMOTIUS 5

Share

Owe, pak, atame owe bafaafetam apok aemas apaye, emes ere pota. Are pak era aritapes bafaafetam apok aemas apaye, emes ere pota anakot. Emes aemas owe, Kristus bamesem ambompimes. Era owe, ere pota. Me, Kristus bamesem amsam apok owe, ere akot.

Wore duturu owe fiaknak bajatemotaer bas. Wore ere, era owe wuritipit tamen ataane aweomey. Era ai oweam, worepotais apaye, woreotais apaye, emes tamen aemomey.

Me wan Yesus basitim bajarisiap armat baemem owe, Kristus basitim ajarisiapemas owe, atakam akot asakamtammas. Kristus basitim ajarisiapemas owe, pak daytu, emes aemmas Yesus basitim bajarisiap armat baemem owe batetamtas. Me, wan Yesus aowe armat baemem oweam, Allah atakam akoretammas. Are era atakamam aememtammas. Me Kristus basitim ajarisiapemas owe, pak daytinak, emes aemmas Yesus basitim bajarisiap armat baemem owe batetamtas.

Yesus basitim bajarisiap armat baemem owe ataemomtakam, tare taban era owe damo ten ataetiitemakam. Wore ere, emes baem, fef bas. Wore, dosa baem ipit adosa takan bajamem-ombar. Wonom turu ipit aememaarey.