Popular Bible Verses from 1 TIMOTIUS 3

Share

Atakamnak, era eemnak ambesemkorommarom atakam bomonnak. Era atakam ere, emes are: “Armat Ipit asamot ipit ajaoreme. Allah Jipam, Armat Ipit, turunak Ipit aporomtame. Malaikat oweam Armat Ipit bi apores. Oweam, Armat Ipit atakam, tapirmi tanane akoretames. Asan tanane oweam Armat Ipit eemnak ambesekoromes. Allaham Armat Ipit Surga oup atoomtemete.” Dare emes atakam eemnak ambesemkorommarom.

Era armat aememto ipit ere, owe ara ipit basitim ipita. Are aremo taka ipita. Are jak fiak ipita. Are bimak binip aptam ipita. Are owe akota. Are jaki owe atame batoomjii akot apormar ipita. Are atakam baememtam amsam ipita.

Are aremoam, arereisam, atakam akot basakamtam amsam ipita. Are arereis aatakam ji bae aememtamemar ipita. Arereisam aritipit asitimemas ipita.

Yesus basitim bajarisiap pi bajat ipit, taot taka ipita. Are arereisam, aremoam, atakam akot basakamtam ipita. Era Yesus basitim bajarisiap pi bajat owe, karai akot aetas apaye, oweam era owe asitimtemas. Emes pi bajat oweam, Kristus Yesus eemnak bamesemkorom atakam, atakam fiak akoremas.