Popular Bible Verses from 1 YOHANES 2

Share

Tare ara aemansa tapirmiam, ara aemansa tapirmi pakam, jak baseseromem bas. Ara aemansa tapirmi pak jak aseseromemas owe, Allah bafaim apok aememas. Owe jak basenomem pak, ere ara aemansa tapirmi pak. Owe pak aporemas, wanam era pak bataet bimak binip daytinak atetaramemas. Anom ara aemansa tapirmi pak. Oweam amba aemetemtememas. Anom ara aemansa tapirmi pak. Era pak takes Daritipit atetamemar pak apok.

Ara tapirmi ajaniostem. Era asamot owe asinomememas pakam ajaniostem. Allah atakam ji bae owe ere, jiine aememaartemas.

Owe atakam akoretetertas apaye, “Dere Allah takan aememaaremin,” emes atakam aesimtetertas apaye, are Yesus Kristus aemaarir pak jipu baemtetertas.

Tiparais! Dere ara surat tara aeapomtammin, ere tare dosa baem-ombar. Yesus Kristus ere, turunak Ipit. Dare dosa aemtam apaye, Armat Ipit atakam Daritipit ajanimtamtemaro.

Owe atakam akoretetertas apaye, “Allah demsam,” emes atakam aesimtetertas apaye, me, are Allah atakam ji bae apok aemtetertas apaye, are pote owe. Ara atakamnak amsam apok.

Dare Allah asakamtame atakam ji aemarom apaye, dare Allah damsam apormarom.

Owe atakam akoretetertas apaye, “Dere era sarepu aemapmin,” emes atakam aesimtetertas apaye, me, are ajoo owe bifane afeomemtas apaye, era owe waaam jiiti bomon aemapemas.

Era pote ipit tanam? Jipit takaam, “Yesus ere, Kristus Ipit apok,” emes atakam aesima. Erarawa emes atakam akoremar ipit ere pote ipit. Era ipit Kristus Ajokoman Ipit. Are Daritipitam, Andepam, jamnuk takes awotapememe.

Allah Andep awotapememas owe takes, Aritipitam bajamkai apok aememas. Me Andep eemnak ambesemkoromemas owe, Aritipitam ajamkaiemas.