Popular Bible Verses from 1 KORINTUS 2

Share

Ere Alkitab atakam jipu: “Me asamot owe bapor apok pakam, jane bajie apok pakam, era bimak binip batetaram apok pakam, ere Allah, era pak takes, ara afaimemas owe batetam, akenemapome.” Emes atakam aeapoma.

Me Allah Jip aptam apok owe ere, Allah Jip atetamto pak bataet apok aememas. Era owe bimak binip ere, “Era pak janda pak,” emes bimak binip atetaramemas. Are Allah Jip atetamto pak atakam jane baemejie asan apok. Me Allah Jip aptam owe ere, era pak akot, emes atakam asakamtiiemas.

Me, Allah ere, era bomon pak aporomtamero. Ere Allah Jip aeme pak are. Allah Jip takes aoorporem. Are Allah bomonnak bakukuretii pakam aoorporem.

Emesare. Dare ara aemansa tapirmi jip bataet apok. Dare Allah atetamero Jip ataetom. Erarawa dare Allah atetamtaro bambi pak aporkoromtemarom.

Era aemo pak, tare ara asamot owe bimak binip baso pak atakamiin jane bajie-ombar. Tanom asamot owe bimak binip baso pak atakam batemtem-ombar. Me, dere ere, tare Allah afiak pak bapor, wanam deatakam eemnak bapor, akot ajio. Erarawa, dere atakam tara akoromoam, atakam tara akoretamoam, ere dere asamot bimak binip baso pak atakam tara batatapimtaa apok. Dere ere, Allah Jip atetamen fiak pak tara aporomtamo.