Popular Bible Verses from ROMA 5

Share

Mes Uisneno nalile In manekan neu kit, es nane Neno Anan anmaten seka kit, leka hit fe asanat kit.

Ma afnekat nane ka namaeb kit fa, fun Uisneno natua hit nekak neki In manekan. Uisneno anmo'e lasi nane natuin In Smanan Knino le In anfe naleli neu kit.

Ma ka al fa lasi nane. Mes hit taliabok amsa atbi hit lasi hamu'it, fun hit tahin, nak lasi hamu'it nane neki atahas. Ma nek atahas neki nek besi ma nek besi neki afnekat.

Muni i hit taleko atfani tok Uisneno natuin hit nek ateb knino. Ma hit moni atbi halan nekaf tok Uisneno natuin hit Usi, Yesus Neno Anan. Natuin Yesus Neno Anan, hit tapeni manuan het simo Uisneno In manekan. Ma anbi lasi manekat i hit hake ma hit taliabok fun tafnekan het simo Uisneno In apinat.

Leka hit fe atlimae, Neno Anan anmate bi leku le Uisneno anlek nani, natuin hit atoni abulalut.

Nes-nesi muni i, hit taleko atfani tok Uisneno natuin Neno Anan Ini maten; es nane of namonib kit amsa na'ko to'as Uisneno.

Es nane te, on atoni mese le ka natuin fa Uisneno In lomin, atoni namfau anfani atoni asanat; onane amsa, on atoni mese le natuin Uisneno In lomin, atoni namfau anfani atoni le natuin Uisneno In lomim.

Ma ka al fa lasi nane. Mes hit taliabok anbi Uisneno, natuin Neno Anan, hit Usif, fun natuin In hit tapeni lasi halan nane.