Popular Bible Verses from ROMA 4

Share

In nekan nateb knino nabala ma in ka nu'anu fa neu Uisneno In fef ba'an. Mes in nekan ateb knino anhatani in talan te in naliatas Uisneno In kanan. In nekan nateb namneo nak Uisneno anmu'i kuasat anhalin he natis lasi le anba'an nalali.

Onle antui nani anbi Sulat Knino nak, “Au lek ulali ko he nati' hom fani amaf neu uf namfaun.” Anbi Uisneno In human, le Nai Abraham nekan nateb knino neu In; Uisneno le namonib amates ma Uisneno le anmo'e ale sa' neki In a'an. In anmo'e kun sa' le kan mu'if, anfani kun sa' le anmu'i esan.

Yesus le nana'at nani he namate natuin hit tanhais; oke te Uisneno nafena nafani In he naleko nafani kit nok Uisneno.

Nai Abraham nafnekan piut ma anpalsai piut maski kan mu'in tenif afnekat. Es nane te in anfani amaf neu uf namfaun, natuin a'at le antui nani nak, “Ho sufam ho ka'um of namfau onane.”

Es nane te, Uisneno fef ba'an nane natuin nek ateb knino neu Uisneno. Lasi nane anfani fef ba'an neu Nai Abraham sufan ok-oke, nak Uisneno anfe neu sin lumluman; ka al fa neu sin le anmoni na'ko Plenat Knino unu, mes neu sin amsa le nekan nateb knino neu Uisneno onle Nai Abraham in nek ateb knino neu Uisneno. Fun Nai Abraham anfani amaf neu kit ok-oke.

“Ua alekot neu atoni le ansako sin tanhais, ma Uisneno ankub sin sanat! Ua alekot neu atoni le Usif tunan kan so'i fa in sanat neu in.”

Fun antui anbi Sulat Knino nak, “Oke te Nai Abraham nekan nateb knino neu Uisneno, ma Uisneno ansimo in on atoni le anhalin Uisneno nekan.”