Popular Bible Verses from ROMA 6

Share

Fun sanat in upan nane maten. Mes Uisneno In halinat knino nane honis nabal-bal, anbi Neno Anan Yesus, hit Usi, le Uisneno anfe nani lum-luman.

Sanat ka naplenat anteni ki, fun hi ka monif ambi Plenat Knino unu, mes hi moni ambi Uisneno In halinat knino.

Onane te ansub kit nok In natuin hit su oe atbi Ini maten, he nati' on nafena Neno Anan na'ko amates neki Amaf In apinat, onane amsa of hit moni atbi monit fe'u.

Kais hi mina'at hi aom ta'um neu sanat hen mo'e lasi amle'ut. Mes hi mina'at hi aom neu Uisneno on atoni le afi anmate mes muni i anmoni. Ma mina'at hi aom ta'um neu Uisneno he nati' anpake hen mo'e lomin Uisneno.

Fun hit tahin, nak naponi nalali hit atoni mna nok In anbi hau nehe; he nati' hit aok asanat in kuasat namneku ma kais hit aetnok a'teni neu sanat.

Onane amsa hi mihin, nak hi mate neu sanat, mes hi moni neu Uisneno anbi Neno Anan Yesus.

Kalu onane hit he tak sa' ka? Hit moni tabala atbi sanat, he nati' Uisneno In halinat knino ansato piut neu kit ka? Ka on fa nane. Leka me hit atmaet talali natuin sanat, hit het moni tabala atbine ka?

Ai hi ka mihin fa ka nak leka hi mina'at hi aom neu es on ate he mituin in lomin, him fani ate neu atoni nane, he mitnin neu in; he neu sanat le antopu ki neu maten ka ai he mituin Uisneno, ma nok lasi nane mileko amfani mok Uisneno.

Mes hit tatulu nekak neu Uisneno! Afi him fani ate neu sanat, mes muni i hi mituin lasi noina le anfe neu ki meik hi nekam oke. Hi mifetnom mi'ko sanat ma him fani ate neu Uisneno In lomin.