Popular Bible Verses from ROMA 3

Share

Ale atoni le anmo'e sanat ma na'lo na'ko Uisneno le he namonib sin. Ma al natuin halinat Uisneno le anfe neu sin lumluman, mansian naleko anfani nok Uisneno natuin Neno Anan Yesus.

Uisneno anfe manuan he mansian naleko anfani nok Uisneno al natuin nek ateb knino anbi Neno Anan Yesus neu ale atoni le nekan nateb knino. Fun lasi nane ka nasulin fa.

Uisneno anlek nalali Neno Anan Yesus hen fani ahal nekaf natuin nek ateb knino anbi Neno Anan Ini maten. Uisneno anmo'e lasi i he nalile In amneot ma amnonot. Fun Uisneno anpaleoba sin sanat le sin anmo'e bi neno unu, le In anseusaban sin sanat. Mes muni i, Uisneno antumatan sanat he nalile In amneot ma amnonot. Nok lasi nane In nalilon nak In amneot; ma ale atoni le anpalsai neu Yesus, natonon on atoni le naleko anfani nok Uisneno.

Fun kan mu'if atoni mese le naleko anfani nok Uisneno fun in mo'e natuin Plenat Knino. So mak natuin Plenat Knino, ale atoni nahin in sanat.

Onle antui nani anbi Sulat Knino nak, “Katit fa atoni mese le namneo. Katit fa atoni mese le nahin, katit fa atoni mese le naim Uisneno. Ale atoni sin ansek ma ka natuin fa Uisneno, katit fa atoni mese le anmo'e lasi alekot; atoni mese amsa kahaf!

Hai mitenab mak, namneob atoni pah pinan natuin nek ateb knino, ka natuin fa Plenat Knino.

Ka nabe'i. Fun Uisneno nane amneot, ma ale atoni pah pinan apoiba, onle antui nani anbi Sulat Knino nak, “He nati' Ho mulile lasi amneot anbi Ho a'am, ma Ho mis, bi neno nafek Ho lasi.”