Popular Bible Verses from BILANGAN 14

Share

Kaisa amlaban UISNENO, ma kais mimtausan atoni-atoni le natua anbi pah nane, natuin of nok makafa hit tis ma atbe'u sin. Le naneo ma nahafo sin nasaitan nalali sin, ma UISNENO In nok kit. Es nane te, kais mimtau.”

‘Au, UISNENO, ka uto' fa nok manoe. Au ulile ulali Au lasi manekat ma Au lasi aki'at nahenu nok athoes. Au sako sanat atoni le nasanab ma le anlaban Kau. Maski onane, sanat na'ko mnasi sin of Au seunbanin neu sin anhenu ma sin upfenu, talante batan tenu nok batan ha.’

Kalu UISNENO In lomin nanokbon neu kit, In of neki kit neu pah nane ma anfe kit pah le maafa ma alekot nane neu kit.

Mes ka on fa nane neu Au ate Nai Kaleb. In na'ki nabala neu Kau. Es nane te of Au eki in antam neu pah le in antam nalali neune. Tabu le i atoni Amalek ma atoni Kanaan sin natua bale nane. Mes pah nane of anfani bale neu Au ate Nai Kaleb in-ini nok in sanut mofut sin. Noka fa mes him fani koti ma him nao meu mnela snaen amsali Tasi Akaba ninen.”

Hi mes mitae sin mak on i: ‘UISNENO nakua a'an nak, “Au sup natuin Au le anmoni nak of Au mo'e ki onle hi miuab anbi Au humak ma Au matak. Au, UISNENO, ukua ulali Au a'ak.

UISNENO nakua a'an nak, “Talante leka anteni atoni-atoni le i hen laban Kau ka? Talante leka anteni sin kan lomi fa he nateb neu Kau, maski Au mo'e ulali ale lasi ataka amfau le'uf anbi sin atnanken ka?

Sin namunu ma naakan Nai Musa ma Nai Harun nak, “Leko nesi hit atmate atbi pah Mesir ai anbi mnela snaen i! Maut he hit atmate nai!

Nai Yosua Nai Nun anah anmone ma Nai Kaleb Nai Yefune anah anmone, sin nua sin na'ko ale atnu'us nane, sin anpisu sin bale pake anfani ataka neu sin nasusbon. Sin nak neu to nane ok-oke nak, “Pah le hai mitnu' milali nane in lekon matain le'uf kun.

Mes Au manta'en natuin Au aok ma natuin Au, Au Amonit ma akuasat Kau anbi pah pinan i, nak na'ko atoni-atoni le i katit fa es amsa na'ko sin le anmoni le i hen tam neu pah le Au ba'an ulali neu sin amfenu. Natuin sin ka na'ki fa neu Kau, ma sin ansu' Kau piut-piut. Maski sin nit nalali Au pinak le anpin, ma ale lasi amkakan le Au mo'e anbi Mesir ma anbi mnela snaen. Kahaf! Sin of kan tam fa neu pah nane. Na'ko sin le anlaban Kau, katit fa es amsa le of antali pah nane.