Popular Bible Verses from BILANGAN 13

Share

Mes Nai Kaleb in anfe nek tainine neu atoni-atoni le ansakoi neu Nai Musa. Nai Kaleb nak, “Pah nane hit mes tape' ma mes hit tasik tani anbi tabu i amsa, natuin hit tabe'i matani neu het be'u sin.”

Namneo hai mit atoni-atoni le sin nae leufen, sin le nane sanut mofut atoni Enak. Tanes'ok tok sin, haim naben hai onle fokat, ma namneo sin ankiso kai onle nane.”

Mes atoni-atoni le sin anfani nem nok Nai Kaleb nane sin nak, “Kahaf, hit ka nabe'i fa het laban sin. Tuafen pah nane sin nabe'i nesin kit.”

Oke te sin nanu'un nu'un amoel neu atoni Israel antom pah le sin natnu' nalali nane. Sin nak, “Pah nane nahenu nok lasi amle'ut nae le'uf, nes-nesi tuafen pah nane. Atoni-atoni le hai mit sin anbi nane sin aoken nae le'uf kun.

Sin nak neu Nai Musa nak, “Haim kiso milek-leko pah nane milalien ma hai mit nak pah nane maafa ma namlia, ma i hau fua akle'o le hai meki na'ko bale nane.

Mes kot nane in tuafen abe'it ma matani kun. Sin kot anae ma mabaki lape. Oke anteni amsa, hai mit atoni-atoni anbi nane sin sanut mofut na'ko atoni-atoni anae le'uf sin.

Atoni Amalek sin natua anbi pah nane bian a'ne'u; atoni Het, Yebus ma Amori sin natua anbi bale neten; ma atoni Kanaan sin natua anbi tasi ninen ma anbi Noe Yordan ninen.”

ma sin natiaba ale lasi nane neu Nai Musa, Nai Harun ma neu to Israel le fe sin nabuan anbi Kades, mnela snaen Paran. Sin nanu'un ale sa' le sin nit nalali ma sin nalile ale hau fua le sin neki.