Popular Bible Verses from KELUARAN 15

Share

UISNENO nakua a'an nak, “Mituin Au plenat sin nok amneot, ma mo'e nai sa' le naleko anbi Au kisot; mituin nai ale Au plenat sin. Kalu hi mo'e onane, of Au ka kas ki fa eki menas-menas le Au usanut ulali neu atoni Mesir. Au le i UISNENO le es uleko ki.”

UISNENO au apesit le matani; In es nafetin kau. In le nane au Uisneno, au he uliatat In, Uisneno le au na'i au be'i nabes neune, au uliatat In.

Uisneno me es nabe'i hen laban Ko, koi UISNENO Apinat Anesit ma aknino? Sekau nabe'i anmo'e ale lasi amkakat ma taos mo'et anaet onle UISNENO?

Hom fani atopus neu to le Ho mufetin mulali sin, natuin Ho mu'ki neu fef ba'an. Nok be'it matani Ho muneo ma muhafo sin, ma Hom topu sin neu Ho bale knino.

Oke te sin nem antia bale mese in kanan Mara, mes oe anbi nane meun le'uf kun, talante ka nabe'i fa he sin ninu. Es nane te bale nane antek nak Mara, in oten nak menu. Ma atoni-atoni nane namunu Nai Musa ma sin natoti in nak, “Hai of minu sa' ka?” Nai Musa in onen neu UISNENO nok amneot, oke te UISNENO naton neune hau tuka mese. Nai Musa anpolin natam hau nane neu oe in nanan, oke te oe nane namin anfani, talante nabe'i sin ninu. Anbi bale nane UISNENO anfe In lekat lulut neu sin, ma anbi nane amsa In ansu' sin.