Popular Bible Verses from KELUARAN 16

Share

Sin nak, “Naleko nesi oni bait afi UISNENO namate kai anbi pah Mesir. Anbi bale nane hai nabe'i antoko ma miah sisi ma utunu' talante hai mimsen. Mes hi meki kai neu bale i he nati' hai ale kai amate natuin amnahas.” UISNENO nakua a'an neu Nai Musa nak, “Leku le i of Au usanut mnahat nok athoes onle ulan neu ki. Neno-neno mes him nibun mnahat nane al neu neu neno mese. Nok lanan nane Au lomi he su' Au to ne nati' Au uhin oni sin fe natuin Au plenat-plenat sin ai kahaf.

Anbi mnela snaen nane sin alsin namunu Nai Musa ma Nai Harun.

UISNENO of anfe neu ki sisi anbi neno anmabe le i, ma utunu' anbi nok-noka he nati' hi mimsen, natuin UISNENO nen nalali hi nek maputu neu In. Namneo, hi mito'an kai, hi mito'an UISNENO kun.”

“Au nen ulali atoni Israel sin lasi munu. Mutonan sin mak anbi neno anmabe of sin anbukae sisi, ma anbi noka fa of sin anbukae utunu' talantia sin namsen. Ma sin of nahin nak Au, UISNENO kau, le sin Uisneno.”