Popular Bible Verses from JOSUA 6

Share

Didok TUHAN ma tu si Josua, “Saonnari Hupasahat ma tu ho Jeriko dohot rajana i dohot sude tentarana angka na gogo i.

Dung i angkon paluon ni angka malim i ma sarune i ginjang sorana. Disi dibege hamu sora na ginjang i, angkon marsurak ma gogo sude halaklahi, jadi gabe matolbak ma tembok ni kota i. Jadi angkon manigor masuk ma sude tentara i tu kota i.”

Angkon marbaris ho dohot paranganmu manghaliangi kota i sanoli sadari di bagasan onom ari.

Pitu halak malim na maroban sada be sarune, angkon mardalan di jolo ni Poti Parjanjian i. Di ari papituhon angkon hulianganmu dohot paranganmu kota i pitu noli jana ombuson ni angka malim ma sarunena i.

Madung togu dijago anggo angka horbangan ni kota Jeriko jana digoruk damos anso ulang tarbaen halak Israel masuk. Sada halak pe nada dipatola masuk sanga haruar sian kota i.

Di na papitu nolihon i, disi dipalu angka malim sarunena i, dibaen si Josua ma parentana tu sude parangan i anso marsurak. Didok si Josua ma, “Madung dipasahat TUHAN kota on tu hamu!

Sude kota i dohot sandok isina angkon dironcohon sude gabe songon haul tu TUHAN. Hum si Rahab, siboru jalang i dohot koum sisolkotna sajo do na tola padiaron mangolu, dibaen madung diondihon ia mata-mata na tasuru i.