Popular Bible Verses from PANGARATAION 6

Share

Haholongi ma TUHAN Debatamu sian sude rohamu, sian sude tondimu dohot sian sude gogomu.

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

Angka parenta na hulehen tu hamu sadari on, ulang jabat dihalupahon hamu i.

Ingot hamu ma, angka dongan! Hum TUHAN, jana TUHAN sajo do Debatanta!

Tambatkon ma i di tanganmu jana lilitkon di bohimu baen sipaingot-ingoton.

Suratkon ma i di tiang ni pintu ni bagasmu dohot di pintu ni horbanganmu.”

Habiari ma TUHAN Debatamu jana mangoloi tuSia sajo ma ho jana janjimu pe di bagasan goarNia sajo ma baen.

“Na dung dijanjihon TUHAN Debatamu do tu ompumu si Abraham, si Ishak dohot si Jakob laho mangalehen tu ho sada luat rap dohot angka kota na godang jana na jeges, jana nada ho na pajongjongkonsa. Gok angka barang-barang na denggan angka bagasna i, jana nada ho na pamasukkonsa. Dapotonmu ma angka sumur, jana nada ho na mangkuarsa, angka kobun anggur dohot zetun, jana nada ho na manyuansa. Muda dioban TUHAN ho tu luat i, jana gabe butong ho, denggan ma jagohon hamu anso ulang jabat lupa ho tu TUHAN na dung paluahon ho sian Mesir, ingananmu diparhatoban.

“TUHAN Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be. Salolot mangolu hamu dohot pomparanmunu sai habiari hamu ma TUHAN Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

Sanga aha na denggan dohot na tutu di TUHAN, i ma baen, jadi gabe sonang ma ho. Gabe hamu ma nampuna tano napu na dung dijanjihon TUHAN tu ompu na umpompar ho

Muda disomba ho angka debata na asing, gabe dondonan ni rimas ni TUHAN ma hamu songon api, jana abis ma ho pusaonna, angke nada ra TUHAN Debatamu na maringanan di tonga-tongamunu i marimbang.

Ulang oloi debata na asing, sanga debata ni angka bangso na humaliang ho.

Ulang uji hamu TUHAN Debatamunu i songon na dung dibaen ho di Masa.