Popular Bible Verses from PANGARATAION 7

Share

Ingot hamu ma! Sasada TUHAN Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.

Baen hamu ma sudena i, dibaen bangso na badia di TUHAN Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

Tapi dihaholongi TUHAN do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

Na nihaholongan jana na nipili ni TUHAN do hamu, nada hara ni na gumodang hamu sian angka bangso na asing, hamu noma tehe bangso na ummenek di tano on sudena.

Sian sasude bangso na di tano on, umpe sada na dapotan pasupasu na songon i godang songon hamu. Sian sude hamu dohot sandok pahan-pahananmunu, sada pe nada adong na so martamba bahatna.