Popular Bible Verses from 1 JOHANNES 5

Share

Jana puluk ma hita ro tu Debata, angke tangihononNia do sudena pangidoan na tapajojor tuSia mangihutkon hagiot ni rohaNia.

Antong, dibaen taboto do na nitangihonNia hita muda mangido hita tuSia, gabe taboto muse ma na lehenonNia do sanga aha na tapangido tuSia.

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i, angke sanga ise na sorang sian Debata tartaluhonsa do portibi na jahat on. Jana haporsayaanta i do hamonangan na manaluhon portibi on.

Sanga ise na maruli di Anak i, i do na maruli di ngolu na manongtong i; jana halak na so maruli di Anak Ni Debata i, nada maruli di ngolu i.

Hubaen pe surat on tu hamu angka na mangkaporsayai Anak Ni Debata anso diboto hamunu do na dung maruli ngolu na manongtong i hamu.

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.