Popular Bible Verses from 1 JOHANNES 4

Share

Nada adong biar ni roha di bagasan holong; holong na sanggam mangagohon sude biar; angke adong do uhuman di bagasan biar i. Jadi barang ise na mabiar; nada dope sanggam ia di bagasan holong.

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

Marholong ni roha pe hita, hara ni na dung parjolo do Debata mangkaholongi hita.

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.

Sanga ise na so marholong ni roha, nada ditanda i Debata; angke holong ni roha do Debata i.

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

Hamu angka dongan na nihaholongan, muda songon i ma pangkaholongi ni Debata tu hita, hita pe angkon marsihaholongan ma sama hita.

Dipataridahon Debata do holong ni rohaNia tu hita di na nisurunia AnakNia na sasada i tu portibi on anso tarbaen hita mangolu markite-hite AnakNia.

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.

Sanga ise na mangoku Anak Ni Debata do Jesus, marsada ma Debata tu halakna i jana na maringanan do Debata di bagasan ia, jana ia di bagasan Debata.

Antong, on ma tona na nilehen ni Kristus tu hita: Sanga ise na mangkaholongi Debata angkon laing dihaholongi ia muse ma dohot donganna.

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on. Songon on ma baen hamu laho mananda sanga Tondi Parbadia do tondi i sanga nada: Sanga ise na mangoku Jesus Kristus ro tu portibi on gabe jolma, na sian Debata ma Tondi na adong di halahi.

Tapi sanga ise na so mangoku songon i taringot tu Jesus, nada adong di halahi Tondi Parbadia. Sian musu ni Kristus do tondi na adong di halahi. Taringot tu tondi i pe madung dipaboa hian i tu hamu na giot ro hian do i. Madung di portibi on ia saonnari.