Popular Bible Verses from KITAB NABI YESAYA 26

Share

TUHAN, Droeneueh nyang bri damé dan seujahteura keu ureuëng nyang kong até, sabab ureuëng nyan peucaya ubak Droeneueh.

Peucaya kheueh ubak TUHAN mantong, sabab TUHAN Allah sabe geulindong geutanyoe.

Jiwa ulôn teutab rindu ubak Droeneueh meunyoe malam ka teuka, até ulôn meuharab Droeneueh óh watée beungoh. Meunyoe Droeneueh neupeu hakém bumoe nyoe bak saboh saát, peunduduek donya teuma jiteupeue peue nyang beuna.

TUHAN, Droeneueh nyang peugot kamoe seujahteura; peue mantong nyang kamoe peubuet, Droeneueh kheueh nyang peubuet nyan keu kamoe.

Kamoe seutôt keuputosan Droeneueh, ya TUHAN, dan kamoe meupreh-preh Droeneueh; Droeneueh kheueh nyang kamoe pujoe dan teumpat kamoe peulaboh até kamoe nyang rindu.

Ureuëng jujoe jijak ateueh jalan nyang teupat, sabab Droeneueh, TUHAN, geurinteh jalan keu jihnyan.

TUHAN geuhina ureuëng nyang cungkak; Gobnyan nyang peuhanco banda awaknyan nyang meukuta, dan geupeurata deungon tanoh.

Peuhah kheueh laju bubena babah pintoe geureubang, mangat jitamong bansa nyang seutia, bansa nyang jitem peubuet keuheundak Allah jih.