Popular Bible Verses from Ifisiɛ̌n 2

Share

Mɛ kɔɔ̌n tèǒ joo nɛ̀ moo Nyesoa Nɔ̀ nu ämo ä neě tǔnʼà wlòmo keǒ ba kɔn tè wlò popoɛ klě Tentǎn Jǔ Jùsu mǒ ɛ̈ di ɛɛ numa ä mǐ kàan dɛ kmɔ̌ nee ne ke Ɔ jlɛ̌ bä nee, dɛǒ nɛ̀ Ɔ poa ble seela keǒ ä mɔ̀ bä nu.

Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ ɛ̌ nu amo ǎ kɔn wowa dɛ ɛ̈ diiě tè wlò popoɛ a kɔnʼɔ mǒ, ɛ se aa chɛ̀ a se ɛ nu. Wowa dɛ moo Nyesoaa nyee dɛ Ɔ nye amoo. A se ɛɛ konkwa nu, tèǒ nì kɔn tè nyu wùɛ bɔɔ̌ pe wun le ɛ̈ moo uu chɛ̀ɛ dɛ u nuu nɛ̀ǒ nye ɛ nù.

Kɛɛ Nyesoa kɔn wɔle je jbojbɛ chɔɔ plě Ɔ̌ noɛɛ ä mǒ chɔɔ dɔ̌, ii tè kàan tè kmɔ̌ sie kokoɛ̌ blɛɛa ä je keǒ äa kpni kukwǐi tè mɔ̀, Nyesoa nyea ä kmɔ̌ sie fònfno keǒ äa tè wlò popoɛ ä kɔnʼɔ klě Tentǎn Jǔ mǒ ɛɛ tè mɔ̀. Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀, ii tè a gblàe le klě aa kpni kukwǐi tè jɛɛa bobo.

Äa tè wlò popoɛ ä kɔnʼɔ nɛ̀ kɔn tè Nyesoa mǎ Nɔ ä kɛn bo Ɔ sàě ä kǒla mǒ Ɔ̌ tùǒ Ɔ klee ämoo sɔ̌n tàa do bo klě jɔkɛn.

Dɛǒ nɛ̀ nu ɛ amo kuodakwɛ̌ ǎ see kɛ̀ dakpě keǒ Nyesoa mɔ̀, kɛɛ a klee Nyesoaa nyopò a moo dɛɛ do. È a nynaǒ kɛn bo kǎngmà ɛ̈ Nyesoaa tuposà kpa nyo klee Nyesoaa wnɔsàɔpo poo ble, Tentǎn Jǔ Jùsu Nɔ̀ moo ɛɛ tiblě.